كلمه من القلب

انت عندك حق في كل كلمه قلتيها يا دودو
بس ايه الافكار الجامده دي يا معلم يا كبير انت
الله ينور عليكي
ان شاء الله كلنا نشتغل اكتر واكتر
والمعني وصل يا باشا

ربنا يخليكى ويكرمك يااحلى اسو يارب
يارافعه من معنوياتى

بجد يا دينا انا كنت اتمنى انى عرفتك مع بدايتى فى بناء المنتدى انا ساعات كتير كنت بحس بالاحباط من ان مفيش حد بيساعدنى بس jody كانت معايا وحمدى جه الاخر والله مش عارف من غيركم كنت هعمل ايه وياريت الى بتقولى عليه يتنفذ وعايز اقول حاجه يا جماعه المنتدى ده بتاع الاعضاء واحنا مجرد بندير املاكم زى الحكومه بالظبط ودمتم

ميرسى جدا على كل ده وكل ردودكم جميلة والله
بس ملحوظة لدينا ياريت مادام هانعمل حاجات جديدة ونحترم بعض
مفيش ناس بقى تسوأ سمعة ناس على الاميلات لما يتكلموا خاص
ويبدأو يشتموا ويحقدو عليه انا وصلنى من عضو معانا هنا انه فيه عضو محترم بيجيب فى سيرتى على الاميل الخاص
وده طبعا مش من الاحترام خالص حتى ولو اختلفنا فى الرأى لازم نحترم آراء بعض
ونتكلم عن بعض بحسن نيه وكلامنا يكون متحضر
يعنى انا مثلا اشهد ربنا انى فى غيابكم بفتخر بيكم ومبسوط انى عرفتكم وده شرف ليا
واسألوا بسنت اهو هى مش تعرفكم قولوها حازم بيقول عليكم ايه
فيه هنا بقى عضو بيغلط فيا دايما وانا مش بشتكى ليكم علشان ضعيف ولا حاجة
طبعا لا بس حبيت اوضح الصورة أنا عندى استعداد أجيب حقى بنفسى
لكن أنا مش هاتعمل بنفس أسلوبه خالص
ياريت الرد بتاعى ده مش يتمسح ودينا ورامى يقروه

ياحازم لو حصلت اى شكوى من العضو ده
ياريت تكون متاكد انه حيتلغي عضويته
وشكرا على الصورة الحضاريه اللى انت بتتعامل بيها
كمثل اعلى للمنتدى

يا جماعه اولا مش هنا يبقه موضوع شكوه فيه قسم للاداره علشان محدش يقدر يمسحه
ثانيا ياريت تقول اسم العضو فى موضوع وضكعوه فى قسم الشكاوى والاقتراحات
ثالثا يا ريت يا جماعه نعرف اننا فى البدايه لسه ومحتاجين كلنا نكون مع بعض وارجوكم ياريت نحل المشاكل وديا بلاش الاداره تتدخل علشان تدخلها وحش وبيفسد العلاقه بين الاعضاء بس اوقات بيبقى لازم تتدخل
رابعا ارجو من كل عضو يعتبر العضو الى قدامه مجرد موضوع مش شخصيه هنحللها وهنغلط فيها
وفى الاخر اتمنى ياريت تتحل المشاكل وديا

ميرسى يادينا على الاشادة دى بيا وانا خلاص مسامح اى حد مهما كان فى الدنيا غلط فيا
وكمان ياريت اى حد غلطت فيه اى حتى قلت كلمة زعلته يسامحنى
الدنيا مش تستاهل انى ازعل من حد ولا حد يزعل منى
ومتشكر ليكم جميعا يااحلى اصدقاء وانا احب اشكر رامى بن اخويا بجد بتشرف بيه
لانه عرفنى بالجروب الجميل المحترم ده