أرجو من كل عضو يدخل ويسامحنى

السلام عليكم ورحمة الله وبركاته
أنا دى آخر مرة أكتب على المنتدى ده ويارب كل عضو على المنتدى يفهم معنى كلامى كويس
ومش يفهمنى غلط
أولا أنا بشكر كل عضو موجود على المنتدى أو غير موجود لأنكم كلكم إخواتى وأصحابى اللى أصغر منى وأنا اتشرفت بيكم كلكم وكنت سعيد جدا بالفترة اللى عرفتكم فيها والحمد لله استفدت منكم كتير جدا
ويارب أكون قدرت فى الفترة دى أفيدكم بأى حاجة حتى ولو كان رد بسيط منى على أى موضوع
ويارب كمان مش أكون زعلت منى حد بالرغم انه فيه ناس كتيرة زعلت منى وأخدت انطباع عنى هو وحياة ربنا مش فى شخصيتى خالص لكن مش مهم لأنى فى نفس الوقت كسبت ناس كويسة ومحترمة
جدا جدا وبصراحة أنا مش فاهم لحد دلوقتى أنا غلطت فى ايه بالظبط مع أى حد
بالرغم انه كل ردودى وموضوعاتى كانت فى حيز معين ممكن أكون غلطت أو بمعنى تانى يكون فيه ناس فهمت كلامى غلط أو استوعبته على هواها الشخصى بس
وفى كل الأحوال أنا بعتذر ليكم جميعا وبتمنى لكل واحد فيكم انى أشوفه أحسن واحد فى الدنيا ,اتشرف بيه دايما على المستوى الشخصى والمستوى العام
أنا مش هاذكر أسامى معينة لأشيد بيها وأشكرها علشان مش أظلم حد أكون ناسيه كلكم زى ماقلت اخواتى وأصحابى وأنا بجد مبسوط انى عرفتكم وعملت علاقات جديدة مع عقليات جديدة
ويارب المنتدى بتاعكم يكبر دايما وأشوفه أحسن منتدى على النت وده طبعا بيكم وبمجهودكم وبروح الجماعة اللى أنا شفتها فيكم قبل مابقى معاكم على المنتدى
دلوقتى بس اقدر أسيبكم وأسيب المنتدى لأنى مطمن انه فيه ناس حريصة على نجاحه والحمد لله
وأنا آسف مقدرتش أكسب ثقتكم فيا بالنسبة لانى كنت مشرف على قسم الجرافيك وأنا فشلت فيه لظروف معينة لكن رامى هو اللى صمم انى أبقى المشرف وكده سامحونى
أنا زى ماقلت انه دى آخر مرة أدخل المنتدى بتاعكم وده مش غرور زى ماناس اتهمتنى بكده
وكمان مش علشان أعمل بلبلة وكده
لا والله ربنا اللى يعلم انى بحبكم جدا لكن فى أشياء بتجبرنى انى أعمل كده وأنسحب بهدوء
لأنه زى مافيه ناس بتحترمنى وعايزانى معاهم الطبيعى لازم يبقى فيه اطراف تانية مش عايزانى أبقى موجود وأنا علشان مش أعمل مشاكل لحد قررت انى أبعد خالص لأنه الموضوع كبر ومش بقى تجريح ليا أنا لوحدى بالعكس ده بقى تجريح لناس محترمة وانا بعزهم جدا ومش هاستحمل اهانات ليهم من غير ذنب ده بجانب كمان انى أتفرغ لشغلى وطموحى اللى بدأته خلاص وزى ماقلت قبل كده انى على أبواب السفر وإنى اسيب مصر كلها
أنا بشكركم جميعا وهافضل دايما فاكركم وهاسأل دايما عنكم بالإسم
رجائى الأخير انى بطلب من رامى أو حمدى أو دينا أو أى حد فى الإدارة انه يمسح اسمى من المنتدى خالص ويعتبرونى كأنى مش كنت موجود لأنه وجودى أو عدم وجودى مش هايأثر على المنتدى بشىء
وجزاكم الله خيرا وربنا يوفقكم جميعا ويحقق أحلام كل واحد فيكم

لا لا لا تتنحى ههههههههههههه
انتا( بتستهبل-بتستعبط- بتتعبط-بتتت )اختر مما بين الاقواس
لا لا مش هنقدر نعيش بعديك ارجع لينا
حاااااااازم اماااااااال
ههههههههههههههههههههههه
ارجع رجع

على فكرة انا استفدت كتير من المواضيع اللى انت بتكتبها
بالرغم من انى مش بقالى كتير عضو هنا
بس بجد فى حاجات كتير استفدتها من موضوعاتك
يا ريت متسيبش المنتدى وخليك موجود معانا

laa2 msh momken aked betharag leh yahazem ana ymkn mat3mltsh ma3ak ma3rftaksh awe bas bgd anta 7ad kois awe we mo7taram awe leh kol dah bos e7na ban2admen tabe3e ne3'lt we tabe3e nas te7bana we nas mosh te7bna nas tefhmna sa7 we nas msh tefhamna sa7 3ala 2ad mana batmanalk kol 7'er fe 7ayatk 3ala 2ad mana batmana terg3 tane bgd 3omre mahnsa kalamk ele 7'alane a7'od 2arar mohem fe 7ayate lo anta metnazl 3anena a7'er 7aga tata7'yalha en e7na netnazel 3ank..rabena ywafa2k...

حازم انا مش راضى على الى انتا عملته بجد بس اقول ايه هتوحشنا باااااااااااااااااااااااااى