فكرت قبل كده ولا........؟

الموضوع ده انا فكرت كتييير اوي اوي قبل ما اكتبه
علشان كنت مستنيه لما كل اعضاء المنتدي يعرفوا بعض واعرف ميولهكم وتفكيركم والحمد لله كلنا مسلمين وان شاء الله تتقبلوا مني النصيحه يااااارب
هسال سؤال وياريت تردوا عليا لو سمحتم
هل فكرتم في يوم تقللوا من الاغاني؟ طيب لما بتسمعوها كتيير نفسيتكوا بترتاح ولا العكس ولا ايه؟
كل دي اسئله مهمه قبل بدايه الكلام في الموضوع ده
انا كنت بصراحه ومن غيرما ابالغ ادماان في سماع الاغاني بطريقه جامد
ه جدا وفوق ما تتخيلوا ومكنتش اعد نص ساعه علي بعض من غير ما اسمع اغاني
فكرت كتيير اني ابطل اسمع اغاني لكن اقل من شهر وبرجع تاني
والحمد لله من رمضان اللي فات اتبعت اسلوب الحمد لله كانت نتيجته هايله بجد
انتوا عارفين المدمن بيعمل ايه علشان يتعالج بياخد في الاول جرعات اقل شويه من اللي بيعتاد عليه ويفضل يقلل كده لحد ما يبطلها نهائيا
هي دي الطريقه اللي انا اتبعتها
وهي كالاتي....
1_ كنت بسمع اقل شويه من اللي كنت معتاده عليه وفضلت اقلل بالتدريج
2_ استبدلت الاغاني باغاني تانيه خااااالص ودي فكره ناجحه جدا اني استبدل اغاني الحب وكده يعني باغاني تانيه علشان الموسيقي تفضل في ودني بس بشكل يذكرني بالله بدل الحاجات التانيه زي اغاني سامي يوسف والاغاني الدينيه واغاني المسلسلات بشرط ان تكون من غير كلام الحب وكده يعني وتكون هادفه بمعني اصح اللي ضفتها في قسم اغاني المسلسلات والافلام والاغاني اللي موجوده في القسم ده كلها بتساعد علي كده والله صدقوني
3_ بقيت بسمع ولو لدرس ديني واحد كل اسبوع او كل اسبوعين علشان منساش الطريق اللي انا ماشيه فيه واللي كان قريب من قلبي اوي كان برنامج الطريق الصح بتاع معز مسعود الذي يعرض الساعه 11 مساءا كل يوم اثنين علي قناه المحور وبرنامج خدعوك فقالوا لمصطفي حسني الذي يعرض الساعه8 يوم الجمعه علي قناه اقرا ويعاد الساعه 12 ظهرا يوم السبت والاحد الساعه 3 عصرا والاثنين الساعه التاسعه والنصف صباحا
4_وبعد كل ده مسحت كل الاغاني اللي كانت ماليه الموبايل والكمبيوتر
5_ قراه القران ولو ايتين او تلاته قبل النوم بتبقي مريحه نفسيا جدا
والحمد لله ربنا وفقني واصبحت اسعد بكتير عن الاول وبقيت الاحظ ده في حب الناس ليا وحبي ليهم بدون اي غرض لا مني ولا منهم وحتي مع اهلي في البيت انا علاقتي بيهم كويسه جدا بس اصبحت احسن واجمل وانقي من الاول زي ما يكون هي دي الحاجه اللي كانت ناقصه علشان احسن وانقي علاقتي باعائلتي والحمد لله
ارجوكم يا جماعه الاغاني هي من اكتر الحاجات اللي بتتسبب في عدم وجود البركه في البيت ولا في الدراسه ولا في الحياه كلها وصدقوووووووني انا في مقوله مؤمنه بيها جدا وهي
لا يوجد شئ يقف امام الاراده ابدا
ودي اراده الانسان العاديه مابالكم بالاراده اللي بتكون علشان اصلاح النفس والقرب من ربنا
والمفتاح اللي هيوصلكم للنجاح في المهمه دي هو ... الثقه في الله بال حدود
بسم الله الرحمن الرحيم
ان الله لا يغير ما بقوم حتي يغيروا ما في انفسهم
صدق الله العظيم
ياااااااااااااااااارب كلامي يكون وصل لقلوبكم قبل عقولكم وربنا يهدينا جمييييييعا يارب ان شاء الله

موضوع جمييييييييييييييييييييييييييييييييييل

فعلا يااسراء انا معاكى فى كل كلمة قلتيها والله انا كمان من سنة ونص كنت مجنون اغانى وبشكل فظيع
ومش بس كده ده كمان كنت مهووس بالمطربين واولهم عمرو دياب لدرجة انى كنت بتخانق مع اخواتى واجادل اصحابى علشان عمرو دياب واليسا
ومن سنة ونص بس حصل ليا موقف يمكن اكتر موقف اتاثرت بيه فى حياتى وهايفضل معايا طول مانا عايش فقدت شخصين من اغلى الناس ليا والحمد لله يمكن ده كان سبب انى ارجع لله عز وجل من تانى وامتنعت نهائى عن الاغانى وعن التليفزيون وكل حاجة تغضب ربنا
وبدأت ابقى انسان تانى خالص ومش بس كده الحمد لله قدرت انى ادعو ناس كتيرة واولهم اصحابى انهم يمشوا فى طريق ربنا والحمد لله بفضل ربنا ناس اصحابى بقوا حاجة تانية دلوقتى
وبقى فيه منهم دعاه وداعيات لله عز وجل واتعرفت على ناس محترمة ومتدينة كتير
ويرجع الفضل لربنا ثم مشايخى وعلماء الاسلام الشيخ محمد حسين يعقوب والشيخ محمد حسان والشيخ محمود المصرى وجميع من تعلمت منهم كلهم جزاهم الله عنى وعن المسلمين خيرا
والحمد لله دلوقتى مش بسمع الاغانى الا فى الشوارع وانا ماشى بس
وسبحان الله فيه موقف غريب حصل ليا كنت ناوى من سنة ونص لما البوم عمرو دياب كان هاينزل انى اشتريه وصممت على كده وفعلا كنت بسال هاينزل امتى وقبل نزوله بيوم حصلتلى الصدمة وفقدت انسان غالى عندى ويوم مانزل الابوم ده كنت حرقت كل البومات عمرو اللى عندى وكل المجلات اللى كان فيها صوره وكل بوستراته ومسحت كل اغنيه من الكمبيوتر والموبيل ومن يومها الحمد لله بدات اواظب على دروس العلم والصلاة وقيام الليل وكنت والله سعيد جدا والناس كلها فرحانة بيا ويمكن دلوقتى بدات مش احافظ على قيام الليل زى الاول ولا تلاوة القرءان وعارف انى مأثر فى حق ربنا بس ان شاء الله هارجع تانى زى الاول
وجزاكى الله خيرا يااسراء على موضوعك الجميل ده

ربنا معاك يا حازم ياااااااااااااااااااااااارب ويقربك من ربنا كمان وكمان

يارب يااسراء مااحلى العيش فى طاعة الله ومن ثم حب الناس ليكى من غير مقابل او مصلحة
وربنا يكرمك يارب ويديم علينا نعمة الاسلام والمحبة فى الله دايما
وبشكرك جدا على كلامك الحلو ده

يارب والله انا اتمنى كده بس انا بتبع طريق تانى علشان يوصلنى للايمان الحقيقى هو التاكد ان دينك احسن دين فى الحياه هو طريق متعب بس نتيجته مضمونه
هو ممكن دماغك تلف فى الاول بس يا رب اكمل ومقعش فى النص
ولو وقعت ابقى انتهيت

متشكره علي ردك الجميل ده ويارب يكون الموضوع ده تشجيع ليكوا كلكم علي التغيير
يااارب ربنا معاكوا كلكم وياخذ بايديكم للطريق الصح ان شاء الله

كلام جميل يا اسراء رببنا يقدرنا
بس تعرفى الموضوع بيخف مع الوقت يعنى لما كنت بعمرك كنت ممنة اغانى وبتاثر بيها
بس دوقتى عادى ممكن يشدنى لحن حلو شوية والموضوع بينتهى