اريد النصيحة.....الفراق شيء صعب اوي

السلام عليكم ورحمة الله وبركاته
انا حبيت اطلب النصيحة في القسم ده عشان قلبي بيوجعني اوي بشكل رهيب
انا قلبي محروووووووووق اوي
حاسس بنار جوة قلبي
مش عارف اعمل ايه
هل انا ظلمت حد عشان ده يحصل ليا
ولا ده اصلا كان قدري
الله اعلم
بس انا المشكلة اني حبيتها اوي بجد
وهي المصيبة انها بتحبني
بس عايزة الفراق عشان مش عايزة مشاكل تحصل
وهي فاكرة ان ده ارادة ربنا عشان كده لازم نفترق
ونعم بالله بس مش المفروض اننا نستسلم للدنيا كده ونسلملها
عشان هانرجع في الاخر نندم على كل ده
انا حيران اوي ووعدتها اني اذاكر لو بحبها حتى لو افترقنا
انا فعلا بدأت اذاكر
غير اللي كنت عليه في الاول
انا كنت فاشل ومعاها بدأت احس باحترام كبير
ومن غيرها هاكون زي الشمعة اللي بتحتضر بحثاً عن شمعة أخرى تنقل اليها الشعلة
شعلة الحياة
انا حياتي اعتقد ان شعلتها بتنتهي
وارجو اي حد انا ظلمته سواء هنا في المنتدى او برا يسامحني
وارجو منكم خالص الدعاء لي
عايزها لو دخلت المنتدى تعرف اني هاكون شهيد حبها
وان وردة حبها اللي في قلبي هاتموت بعد ماموت
وشكرا يا حبيبتي على اجمل سنة انا قضيتها بحبك
انا بحبك اوي
ياريتني مكنتش اتعلقت بيها عشان انا متعذب اوي دلوقتي
مش قادر اقول كلام تاني
السلام عليكم ورحمة الله وبركاته
اريد النصيحة.....الفراق شيء صعب اوي 826393

اريد النصيحة.....الفراق شيء صعب اوي 826393

يا حمدى الفراق اه وحش اوى بس هو مش اخر حياتك
انا زيك واقع فى نفس الامر بس بقولك عيش دور هتلاقى ناس كتير تستاهلك وانتا تستهلهم الناس كتير جنبيك
انا عن نفسى كل مشاكل بتحصل مع زمايلى او مع اى حد فى فتره البعد ديه بحاول اتعلم اعود نفسى على كده علشان مندمش طول حياتى وهتتعود انا بقولك هتتعود
انا مثلا بعد مفارقت شلتى فى الاول كانت عندى مشاكل كتير فى التاقلم بس لقيت شله تانيه احسن من الاولى بمراحل على الاقل اصحاب بجد
وبعد مشاكلى مع زميلى الانتيم بدءت علاقتى تتوثق بواحد تانى وعرفنى على ناس كتيره بجد طلعت احسن كتير من الاولنيين طلعوا اصحاب وجدعيين اوى
دور يا حمدى اكيد هتلاقى
بس افتكر حبها خليه فى قلبك بس خليه مجرد ذكرى حلوه علشان متتعبش اعمل زيى انا انا خلاص خليتها ذكرى بس ذكرى جميله كان نفسى تكمل بس قدرنا كدا قدرنا انا اعيش افتكرها اول ما اصحى وقبل منام
قدرى كده ونعم بالله والحمد لله

الله يخليك يا رامي بس انا مش متخيل حياتي من غيرها في كل مكان بلاقيها
في كل حتة كلمتها فيها بلاقيها
انا بتعذب بجد وهي اكيد بتتعذب
وهو ده اللي مخليني لسة بحبها
حقيقي يمكن يكون كلامي من الصدمة بس مش عارف بجد افكر في حاجة غيرها
حتى المذاكرة لما بذاكر بلاقيها معايا
عشان كده مش بقدر اذاكر كتير
بتعذب حاسس احساس الغريب
حاسس ان انا غريب في دنيتي
حاسس ان مبقاش ليا لازمة في الحياة
مش عارف بس ده احساسي اللي مش هاقدر اغيره ابدا
ومش هاطلب رجوعها ليا
انا ياما طلبت وفي الاخر الباب اتقفل
يلا اهي ايام سودا وبنعيشها
ههههههههههههههه

يا حمدى انتا بينك وبينها مدن امال انا الى بشوفها كل يوم يبقى ايه
بص يا حمدى اعمل زيى فكر خلاص هيا مش ليك واتمنى تحب حد غيرك علشان تنسى

للاسف يا رامي هي بتحبني ومش هتحب حد تاني غيري
وده اللي معذبني يا رامي
ياريتها كانت جرحتني او كانت قتلتني
ياريييييييييييييييييييييت
انا حبيتها اوي وبحبها اوي

بصراحة مافهمت أول شي ليش لازم تتركو بعض

بعدين أنت لسى بأول عمرك مو معقول تستسلم وتيأس

( مش متعود أشوفك زعلان وين ضحكتك )

ههههههههههههههههههههههههههههههههههههههههههههه
دي ضحكتي بعد ما قعدت مع نفسي
وقررت انأ هامشي في أنهو طريق
وبالفعل ارتاحت لما مشيت في طريق ربنا
عن تجربة قصيرة طريق ربنا طريق كله راحة
شكرا على مرورك يا عامر