قبـــــــــل الـــرحيـــل

<BLOCKQUOTE class="postcontent restore">

عاوز أقولك
وأبتسم لك
وأحضنك بعينيه دول
إللي ياما كتير وياما
دابوا يا ما
كتير في حضنك

إوعي تخلي الدمع مرة
يإذي خدك
أو ضلام الليل يطفي شمعة
نورها ضيك
يقتل النوار في وردك
والمرار يحلي له شهدك

وتبطلي يوم تحلمي
إتكلمي .. إتقدمي
وإياكي يوم لليأس
مرة تسلمي
وإياك مرة تسأليني
ع الرحيل
إمتي وفين ؟
وإزاي وليه ؟

وأبتسم لك
وأفتكر لك
نظرة صافية من عينيكي
لمسة دافية من إيديكي

وأرتسم لك
غنوة خالدة فوق ورودك
ينطرد حزن الليالي من حدودك
أزرع عبيري فوق خدودك

ويعاتبني رمش عينك
تاني يسأل
ليه هترحل ؟

يا حبيبتي الدنيا رحلة
وإحنا فيها الرحالين
الدنيا دايرة جوه دايرة
أمال ليه إحنا محتارين ؟
الميلاد إيه غير رحيل
والموات برضه رحيل
الشمس حتي بترحل كل يوم
القمر .. الليل
النهار .. النجوم
الساعات
وأيام السنين
بتسأليني يعني لازم م الرحيل ؟
وهل ما فيش عنه بديل ؟

قلبي يجاوبك
إنتي حبيبتي .. ورحلتي
مشواري كله .. وبسمتي
ولما هرحل يا حبيبتي
هخلي قلبي هوه الدليل
وإنتي عارفه
قلبي فين رايح يميل

إللي ف عينيكي
يطلق مشاعره وإحساساته
ينطلق من شرنقاته
تبتدي أيام حياته
يجري
يرمح
تاني ليكي
وأنا خلاص
نويت ع الرحيل
ويا قلبي
بس بيكي .. فيكي
نمشي مشوارنا الطويل
اللي ف عينيكي

منقوووووووووول</BLOCKQUOTE>