قصة روميو وجوليت جمدة احلى قصة حب عشان خاطرى ادخلة واقرائها انا طلع عنى فيها كتبتها

السلام عليكم ورحمه الله وبركاته

المهم عايز رأيكو بصراحه

وعلى فكره انا بهدى القصه لجوليت حبيبتى

وكمان بهديها لروميو نيازك

بما انها على اساميهم مش عشان اللى بالكو

بلاش تبقو سيئين الظن كده

هههههههههههههههههههههههههههه

يلا اسيبكم مع القصه

**** الجزء الأول ****

( فى المقهى حيث تجلس جولييت بالمقعد المقابل لروميو ، وقد أنهمكا فى لعب الشطرنج )

جولييت :كش ملك

روميو:نعم ..نعم..كش ملك دا أيه ؟

جولييت: أيدك ع العشره جنيه

روميو:أنت هتنصبى كمان

جولييت:أنا بردو اللى هنصب ولا أنت اللى مش عايز تتطلع العشره جنيه يا بخيل

روميو:الموضوع مش موضوع فلوس يا حبيبتى

جولييت:حبيبتى ، أه .. كل بعقلى حلاوه

روميو:أيه حلاوه وأيه بقلاوه ؟؟ أنتى شكلك داخله على طمع ، أنا مش هديكى قرش واحد

جولييت :خلاص يا بخيل مش عايزه منك حاجه..نادى ع الجرسون يلا

روميو:أنادى ع الجرسون ليه ؟

جولييت:عايزه أشرب شيشه

روميو:أنا ماشى بقى يا جولى أحسن أنا حاسس أنى عايز أنام

جولييت:أنا اللى هدفع

روميو:طيب أطلبى لى عصير قصب بالمره

جولييت:حاضر بس لاعبنى دور دومينو

روميو:كل ده عشان عصير القصب أمال لو قلت لك مانجه هتعملى أيه؟؟

جولييت :نعم وأنت تقدر تقول مانجه ؛ دانا كنت قتلتك

روميو:شكرا أوى ..أيه رأيك بقى فى نص ساعه رومانيسيه؟

جولييت:لا .. خليها ربع ساعه بس

روميو:زى ما تحب يا قمر..يا عسل..يا جميل

جولييت:هتبدأ بكش من أولها

روميو:خلاص يا حبى أنا أسف

جولييت:تعرف يا روميو أنا نفسى بجد الاعبك دور دومينو

روميو:أحنا مش قولنا رومانسيه

جولييت:وهو أنت نطقت

روميو:وحشتينى ياحبى..وحشنى صوتك والكلام الحلو بينا..وحشنى صوتك والغرام اللى فى عيونا دانا كل حاجه يا عمرى بتفكرنى بيك الو طمنى عليك ......

جولييت:هسسسس..خبرك أسود ومنيل.. انت بتغنى ولا بتنهأ..وبعدين هو أيه اللى وحشتك ده ، دانا كنت معاك امبارح من الصبح لحد الفجر وأدينى معاك أنهارده من الصبح كمان يبقى لحقت أوحشك أزاى يا نصاب يا ضلالى؟؟

روميو:أنتى ليه مصره تضيعى اللحظات الرومانسي اللى بنعيشها

جولييت:سيبك من ده كله..بقولك أيه أنت مش ناوى تيجى تقابل بابا

روميو:أقابل بابا .. ليه ؟؟؟؟؟؟؟

جولييت:أنت هتستهبل يا روميو

روميو:بلاش غلط يا جولى وفهمينى بشويش

جولييت:أقصد أننا نتجوز

روميو:أنا أتجوزك أنتى !!!!!

جولييت:نعم .. نعم .. نعم .. وهو أنت تطول يا رمه

روميو:ماهو عشان كده أنا مش عايز أتجوزك

جولييت:أزاى؟؟؟

روميو:أنا مرضاش لست الحسن والجمال أنها تتجوز الشاطر حسن

جولييت:وإذا كانت ست الحسن والجمال راضيه بنيله حسن؟

روميو ايه ده انا شكلى بتدبس ولا ايه؟ ) طيب أحنا مش كنا هنلعب دومينو يا جولى يا حياتى

جولييت:وبعدين يا روميو..أنت مش عايز تتجوزنى ليه؟

روميو:أنا أتمنى يا عسل لكن بصراحه أنا مش مستعد للجواز

جولييت:أزاى

روميو:دانا صايع لا شغله ولا مشغله

جولييت:مش مهم صايع صايع .. أنا موافقه

روميولا كده انا بتدبس رسمى)..طيب هنعيش فين؟

جولييت:بيتكو واسع بلاش حجج فارغه

روميو:بصراحه بقى كده بابا عايز يجوزنى بنت واحد صاحبه

جولييت:اه..قول بقى أنك لايف على بنت من أياهم..شفتها فين؟؟أعترف .. الأنكار مش هيفيد

روميو:والله ما شفتها..دا بابا عايز يجوزهالى عشان هى غنيه

جولييت:وهو أنا اللى فقيره؟

روميو:لا..بس هى مؤدبه وأخلاقها....

جولييت:نعم..نعم..نعم..تقصد أيه بقى؟

روميو:مقصدش حاجه..هو فيه فى أخلاقك يا حبى دانتى من القهوه للبيت ومن البيت للقهوه وعمرك ما خرجتى مع واحد غيرى من يوم ما عرفتينى ، دانتى حتى عمرك ما أتأخرتى عن الساعه4 الفجر

جولييت:اصل بابا عودنى اصلى الفجر فى البيت

روميو:يا عينى ع الاخلاق..سيبك من ده كله كفايه انك يا حبى لا بتشربى شيشه ولا سجاير ولا أى حاجه تانيه خالص

جولييت:أه طبعا أنا بحب أحافظ على صحتى

روميو:أنا واثق من كده

جولييت:وبعدين يا روميو هنعمل أيه؟

روميو:ولا حاجه...ايه رأيك فى دور كومى؟

جولييت:لا دومينو

روميو:دومينو دومينو...اهى لعبه والسلام

شيشة يا نهى

صدري منبش عايزة اكح

ههههههههههههههههه

هههههههههههههههه

ونعم التربية شيشة يا جولييت

يالهويييييييييييييييييييييييز

ههههههههههههههههههههه

متربية فعلا

ايه الموضوع الجامد ده انا اول ما شفته ضحكت بهبل

يجازيك ياللي بتضحكني بهبل ياد

هههههههههههههههههههههههههه

منور يا حبيب هارتي

تسلم ايدك بجد موضوع جااااااااااامد

مرسيى يا حليب قلبى

بحبك يا ولد انت بتضحك بتبقل ثكر

ههههههههههههههههههه

تسلم يا حمتشى وربنا يخليك ليا

حبيب هارتى

بجد قصة حلوة موووووووووووت
ضحكتنى كتيييييييييييييير ومن قلبى
ميرســـــــــــــــــــــــى

ميرسي جدا يا دينا يارب اشوفك مبسوطة وبتضحكي على طول
هههههههههههههههههههههههههههههههههههههه
ان شاء الله هعمللها جزء تاني بس هيكون روميو مقطع جولييت وجولييت مقطعة روميو
ههههههههههههههههههههههههههههههههههههههههههههههههههههههههههههههههههههه
متشنكر جدااااااااا يا قمر
:flower: :flower: :flower: